Katuen
adopzioa
Adoptatu aurretik
Txakur edo katu bat adoptatzea erabakiak bi bizitza eraldatzen ditu: berea eta zurea. Ez da etxe bat eskaintzea soilik; bere bizi osoko ongizate fisiko eta emozionalarekin konprometitzea da. Animalia bakoitzak bere historia, bere izaera eta bere beharrak ditu.
Horregatik, Babeslean familia arduratsuak, kontzienteak eta konprometituak bilatzen ditugu, etxera kide berria errespetuz, pazientziarekin eta maitasun handiz hartu nahi dutenak.
Adopzio-prozesua
Katuak
Ohiko galde-erantzunak
Katu bat adoptatzea pentsatzen duzunean, oso serio baloratu behar duzu ea denbora eta jarrera nahikoa duzun etxeko kide berria zaintzeko.
- Adinez nagusia izatea.
- Elikadura eta albaitaritza-gastuak ordaintzeko gaitasun ekonomikoa izatea.
- Bere hezkuntzarekin konprometitzea.
- Adopzio-kontratuan sinatutako baldintzak betetzeko konpromisoa hartzea, txakurraren ongizatea bermatzen dutenak.
- Bere zaintzarako behar adina denbora izatea.
- Etxebizitza propioa izatea; alokairuan bizi bazara, jabeak etxean txakurra sartzeko baimena ematea.
- Modu subjektiboan, gure katu bakoitzak bere baldintzak ditu: izaera, pertsonekiko lotura… Ezaugarri horiek katu bakoitzarenak dira, eta, beraz, familia adoptatzailea haiei egokitua izan behar da.
- Guretzat oso garrantzitsua da adoptatuko duten familiak aurrez aurre ezagutzea; horregatik, baldintza da familiak katua dagoen lekura etortzea.
- Aldez aurreko hitzordua eskatu behar da 943 37 66 50 telefonora deituta.
- Bisita-ordutegia 11:00etatik 14:00etara da, astelehenetik larunbatera (igandeetan eta jai-egunetan itxita).
- Beste autonomia-erkidego batean bizi bazara, Gipuzkoara etorri beharko duzu animalia aurrez aurre ezagutzeko.
- Ez ditugu gure animaliak beste probintzietara bidaltzen garraio bidez.
- KATUTXOAK: Katu gazteak harreran joaten dira, FIV/FeLV probak negatiboak dituztela eta desparasitatuak. Hilabete igarota, berriro etorri beharko du gure albaitarien jarraipena egiteko, behin betiko adopziora arte. Bisita horretan berriro desparasitatuko da, txertoa jarriko zaio eta mikrotxipa ere bai; une horretan 120€-ko dohaintza ordainduko da. Bigarren txertoa behar izanez gero, aparte ordainduko da. Katuak adin egokia duenean, esterilizaziorako berriro etorri beharko du (dohaintzan sartuta dago).
- KATU HELDUAK: Katu guztiak desparasitatuak, FIV/FeLV probak negatiboak eta esterilizatuak joaten dira. 15 egunera berriro etorri beharko dute txertoa jarri eta mikrotxipa jartzeko; une horretan 120€-ko dohaintza ordainduko da.
- Gure babeslekuan katu asko daude bigarren aukera baten zain: bihurri txikiak zein heldu lasai eta jakintsuak.
- Zaindzen ditugun katu heldu askok kalean abandonatuak izan dira. Iragana gorabehera, animalia apartak dira: maitagarriak, eskertuak, eta harritzen duen adimenarekin. Gehienak katu europar arruntak dira, barrutik eta kanpotik ederrak, eta maitemintzen duen nortasunarekin.
- Ba al zenekien bi katu adoptatzea erabaki bikaina dela? Bikotean adoptatzen duzunean, laguntasuna, jolasa eta elkarri eustea oparitzen diezu. Hobeto egokitzen dira, seguruago sentitzen dira, eta zuk katu-maitasun bikoitza jasotzen duzu.
- Ez utzi adinak edo itxurak bakarrik gidatzen. Katu heldu batekin sortzen den lotura sakona eta eraldatzailea izan daiteke. Haiek ere merezi dute maitasunez betetako etxe bat.
- Etorri ezagutzera. Entzun haien istorioak. Eta utzi haien begiradak… eta bihotzak… konkistatzen zaituela.
